prav_tsar

Иерей: Благословен Бог наш:

Трисвятое, по Отче наш. Господи помилуй, 12. Слава, и ныне. Приидите поклонимся.

Таже Псалом 93

Бог отмщений Господь, Бог отмщений не обинулся есть. Вознесися судяй земли, воздаждь воздаяние гордым. Доколе грешницы, Господи, доколе грешницы восхвалятся? Провещают и возглаголют неправду, возглаголют вси делающии беззаконие? Люди Твоя, Господи, смириша и достояние Твое озлобиша. Вдовицу и сира умориша и пришельца убиша, и реша: не узрит Господь, ниже уразумеет Бог Иаковль. Разумейте же безумнии в людех и буии некогда умудритеся. Насаждей ухо, не слышит ли? Или создавый око, не сматряет ли? Наказуяй языки, не обличит ли, учай человека разуму? Господь весть помышления человеческая, яко суть суетна. Блажен человек, егоже аще накажеши, Господи, и от закона Твоего научиши его, укротити его от дней лютых, дондеже изрыется грешному яма. Яко не отринет Господь людей Своих, и достояния Своего не оставит, дондеже правда обратится на суд, и держащиися ея вси правии сердцем. Кто востанет ми на лукавнующыя? Или кто спредстанет ми на делающыя беззаконие? Аще не Господь помогл бы ми, вмале вселилася бо во ад душа моя. Аще глаголах, подвижеся нога моя, милость Твоя, Господи, помогаше ми. По множеству болезней моих в сердце моём, утешения Твоя возвеселиша душу мою. Да не прибудет Тебе престол беззакония, созидаяй труд на повеление. Уловят на душу праведничу, и кровь неповинную осудят. И бысть мне Господь в прибежище, и Бог мой в помощь упования моего. И воздаст им Господь беззаконие их и по лукавствию их погубит я Господь Бог.

Слава, и ныне. Аллилуйя, трижды.

Миром Господу помолимся. И проч. даже о плавающих. И абие прилагает сия.
О еже призрети на озлобление и работу правоверных рабов Своих, под игом мучительства Безбожник, Агарян, и Жидов, и вся богоотступныя антихристовы власти сущих, и милостивно свободити их, Господу помолимся.
О еже испроврещи богомерзкия Агарянския, Безбожныя и Жидовския царства и вся богоотступную антихристову власть, и очистити землю людий Своих от беззакония их, Господу помолимся.
О еже призрети на опустение Церквий, и раскопание олтарей, и осквернение святынь Своих, и искоренити суровыя Агарянское, Безбожное и Жидовское мучительство и вся богоотступную антихристову власть, и скоро свободити рабов Своих от христоненавидныя оных руки, Господу помолимся.
О еже разорити жертву беззаконную, на земле прежде Православныя бесовом приносимую, и даровати нам на последняя времена Царя Православнаго и Самодержавное Царство во ограждение Церкви Твоей Святей, Господу помолимся.
О еже не оставити до конца, верных рабов Своих в руки Безбожных, Агарян, и Жидов и вся богоотступныя антихристовы власти мучитися, но скоро свободити их, Господу помолимся.
О еже верным Царем предати царство и власть христоненавистных Агарян, Богоборец и Жидов, и вся антихристовых богоотступник, славы ради имени Своего, Господу помолимся.
О еже постыдити безбожных Агарян, Богоборец и Жидов и вся антихристовых богоотступник дерзости, и низложити их силу, и предати их в руки верных рабов Своих, Господу помолимся.
О еже не в веки враждовати на люди согрешившия: но яко Бог кающихся явити на озлобленнныя рабы Своя скорую благодать и милосердие Свое, Господу помолимся.
О еже услышати от Церкве Святыя Своея вопля и воздыхания окованных, и от Поган, Безбожник и Жидов и всякия богоборныя антихристовы власти порабощенных рабов Своих, в печали и в скорби своей к Нему вопиющих, и извести от тли живот их, Господу помолимся.
О еже отраду в бедах, и свободу в работе, и утешение в скорбех и теснотах людем Своим скорое сотворити, Господу помолимся.
О еже испразднити мерзость запустения, стоящую на месте Святом, и воздвигнути рог христианский, и славно прославити в них Имя Свое Пресвятое, Господу помолимся.
О еже призрети воскоре на молитву смиренных, и не уничижити моления их, и услышати воздыхания окованных, разрешити же сыны умерщвленных, и славно в них прославити имя Свое, Господу помолимся.
О еже умирити Церковь Свою Святую, и невредиму и непоколебиму ю соблюсти от всякаго злаго обстояния всех сопротивных апостат, Господу помолимся.
О еже искоренити все ереси и отступства, и насадити всюду благочестие и правоверие, Господу помолимся.
О еже обратити отступльших и заблудших от истины, к познанию Православныя Веры раб Божиих (имярек), и сопричтити их избранному Своему стаду, Господу помолимся.
Заступи, спаси, помилуй и сохрани нас Боже:
Пресвятую, Пречистую, Преблагословенную Славную Владычицу:

Иерей: Яко подобает Тебе всякая слава:

По ектениях же поют, глас 4:
Бог Господь и явися нам, благословен Грядый во имя Господне (четырежды).

И тропари сия, глас тот же:

Ко Христу Богу, ныне прилежно притецем грешнии, и смиренно припадем, покаянием вопиюще из глубины душевныя: Владыко Ты нам помози милосердовавши на ны: ускори яко изгибаем, от множества грехов: не отврати рабов Своих тщих: разве бо Тебе, инаго Бога не имамы.

Слава: глас тот же.

Не умолчим и не престаем николиже, Творче наш, Божество Твое воспевающе мы недостойнии: аще бо не Ты умилосердился снийти с небес, и воплотится нас ради, кто бы нас избавил от толиких бед; кто ли бы нас сохранил доныне свободных; не отступим убо от Тебе Владыко: Твою Церковь избави от всякия беды, и нас помилуй, едине во святых почиваяй.

И ныне: глас тот же.

Богорадованная Владычице препетая Царице, всем Христианом ходатаице, и теплая молитвеннице: прилежно раби Твои к теплому заступлению прибегающе молимся: ускори на молитву и потщися на умоление, яко изгибаем от множества грехов, и от вражиих обстояний: и гнев Сына Твоего праведно на ны движимый, на милость претвори: вся бо яко Мати у Сына Си можеши, едина благословенная.

Чтец: Псалом 50. Помилуй мя Боже, до конца. По псалме же поют:

Канон, глас восьмый.

Песнь первая.

Ирмос: Сокрушивый брани мышцею высокою, и всадники ввергий в море, помощник и покровитель буди нам во спасение: Песнь Тебе победную поющим: славно бо прославися Бог наш.

Припев: Многомилостиве Господи избави от бед люди Твоя.

В скорбех и теснотах, в бедах и гонениях, к Тебе Спасе прибегаем, тепле со слезами вопиюще: даждь нам помощь от печали, да вси верно вопием Ти: славно бо прославися Бог наш.

Восташа волци тяжци, нещадно стадо Твое расхищающии, но Ты Христе Царю, силою Твоею сих разжени, верных же Твоих от лютыя работы Агарянския, Безбожныя и Жидовския и вся богоотступныя антихристовы власти свободи, и Церковь Твою умири, Кровию Твоею искупленную: да вси вопием Ти: славно прославися Бог наш.

Загради уста сопротивных Апостатов, разорити тщащихся Церковь Твою Святую, уста же верных отверзи, дерзновение им от Себе подая: да вси вопием Ти: славно прославися Бог наш.

Всех помощи, и всех прибежище, и утверждение Ты еси Пречистая Дево, теплыми Ти ныне молитвами, Сына и Бога Своего умоли, избавление и свобождение скорое верным от работы Агарянския, Безбожныя и Жидовския и вся лестнотлительныя антихристовы власти, мир же и отишие Церкви Своей подати, и нам поющим: славно прославися Бог наш.

Песнь третья.

Ирмос: Утверди Боже: утверди Христе Царю, Веру Православную, свобождение же от поганых Агарян, лютых Безбожник, христоубийственных Жидов и всякия богоборныя антихристовы власти верным Своим, и мир Церкви Твоей подаждь, благая о ней в сердца народа нашего и воинства его советуя: един бо Ты Свят еси и Праведен.

Согрешиша тяжко Господи люди Твоя: Веру попраша, Царя убиша, землю Твою Святую злым и лютым предаша, но Боже наш, аще справедливо воздаеши по грехом нашим, но и жаждеши излить благодать Свою на кающихся раб Твоих, даруй земли нашей Помазанника Твоего, несть бо во время сие начальника, пророка и вожда: един бо Ты Свят еси и Праведен.

Не разори Завета Твоего Господи, и не отстави милости Твоея от нас, ниже предаждь в попрание супостатом нашим Церковь Твою Святую: един бо Ты Свят еси и Праведен.

От чистых Ти Кровий плоть Богу взаимодавшая Дево, Того прилежно моли, от кровопролитных Агарян, Безбожник и Жидов руки и вся беззаконная антихристовы власти верных Своих и Церковь Свою избавити: един бо Той Свят есть и Праведен.

Спаси от бед Церковь Свою милостиве: и умири ю совершенне: яко мы усердно к Тебе прибегаем, милостивому избавителю, всех Владыце Господу Иисусу.

Избави от бед Церковь Сына Твоего, молитвами Пресвятая Богородице Дево: яко мы вси по Бозе к Тебе прибегаем, яко нерушимой стене и предстательници.

Диакон чтет Ектения сия:

Хор: Господи, помилуй.

Милостивым Своим оком, благоутробно призри человеколюбче Господи, на воздыхания, слезы, стенания, и озлобления верных рабов Твоих братий наших, под игом лютыя работы Агарянския, Безбожныя и Жидовския и всякия богоотступныя антихристовы власти сущих, якоже призрел еси иногда на Израиля во Египте сущаго, и скоро свободи их: сердцем сокрушенным прилежно молимтися, услыши и помилуй.

Не помяни человеколюбче Царю беззакония, неправды, и грехи людий Твоих, братий наших и всех нас, имиже прогневахом Тя и раздражихом Твое долготерпение, и не вниди в суд прочее с рабы Твоими, но обычным Твоим милосердием милостиво изми их из руки христоненавистных язык: со слезами молимтися, услыши и скоро помилуй.

Согрешихом, и беззаконовахом, онеправдихомся пред Тобою, и не сотворихом якоже заповедал еси нам, да благо нам будет, но не предаждь рабов Твоих до конца, ни во век враждовав соблюди зол наших. Но пролий гнев Твой на Безбожные, Агаряны и Жиды, имя Твое хулящие, и испровержи их богохульные царства, и всякую мучительскую богоборную антихристову отними власть, и предаждь христолюбивым правоверным рабом Твоим: со умилением молимтися Всемогий Господи, милостивно услыши, и вскоре помилуй.

Олтаря Твоя Святыя сквернии врази Твои, христоненавистнии Агаряне, Безбожници и Жиды и инии антихристовы богоотступницы, захватиша и раскопаша и восседша повсюду в Храмах Божиих, Церкви и жилища имени Твоего оскверниша, и место Свято яко мерзость запустения соделаша, и рабы Твоя тяжко озлобиша: призри убо с небесе и виждь, и не уничижи моления наша, ниже отрини до конца, но скоро встани в помощь рабом Твоим, изсуни меч, и иссеци главы сильных, и очисти землю людий Своих от злочестия их, духом смиренным сильному в крепости, и дивному в советех Богу нашему молимтися, благоутробно услыши, и скоро помилуй.

Умилосердися Господи Боже отец наших на верныя, аще и согрешшия люди Твоя, ихже праведным Твоим судом предал еси в руки враг беззаконных мерзких отступников, и царям их нечестиво-неправедным, и лукавнейшим паче всея земля, и не предаждь их до конца имени Твоего ради, и не разори Завета Твоего, и не отстави милости Твоея от них, и от нас: но изми их от лютаго мучительства, разорив христоненавистныя Безбожное, Агарянское и Жидовское царства и всякую богоотступную антихристову власть, крепость же и силу, болезненно кающеся милосердному Богу нашему молимтися, яко благоуветлив скоро услыши, и милостивно помилуй.

Из чрева адова, из рук богохульных мучительств Агарянскаго, Безбожнаго и Жидовскаго и инаго всякого антихристова богоборства, верных людий Твоих Господи, в горькой печали, болезни и скорби своей вопиющих к Тебе, горькоболезненный вопль милостивно услышав, яко Иону изведи из тли живот их, ко славе Своей Милостиве, молимтися услыши, и скоро помилуй.

Во веки пребываяй милосерде Господи, запрети языком, в достояние Твое пришедшим, и осквернившим Церковь Святую Твою, пожени их бурею Твоею, и гневом Твоим смути их, исполни лица их безчестия, да постыдятся и смятутся во век века, да посрамятся, и исчезнут, и да погибнут нечестивии: оружия их сокруши в конец, и грады их разруши, и имя их во век века потреби, и память их с шумом погуби, да уведят яко имя Тебе Господь: рог же Христианский возвыси, и, и в рабех Твоих славно прослави Имя Твое Пресвятое, смренно припадающе молим, скоро услыши и милостивно помилуй.

Обратися с небесе Господи, и виждь от Дому Святаго Твоего, и Славы Твоея, и помилуй нас, да поне мало наследиму Горы Святыя Твоея, противници бо наши попраша Святыню Твою, быхом яко от начала егда не владел еси нами, ниже бе наречено имя Твое на нас, отверзи небо, и трепет приймут горы от Тебе, и растаются якоже тает воск от лица огня, и пожжет огнь супостаты Твоя, и яве будет имя Твое в сопротивных, и от лица Твоего языци возмятутся, в болезни сердца с умлением молимтися, услыши и помилуй.

Помяни Господи Боже наш Пресвятыя Страсти Твоя, лютыя же болезни, яже волею нас деля претерпел еси, и Пречистых Ти Кровий и излияния, ими же нас от мучительства диаволя свободил еси, и животворную Свою смерть, ею же нас вечно умерших преславно оживил еси, и умири Церковь Твою Святую, и избави ю вскоре от всех бед и нужд, и от всякаго злаго обстояния и лютаго гонения сопротивных апостат: молимтися Всещедрый Владыко, скоро услыши и милостивно помилуй.

Помяни Господи Боже наш благоверные цари, епископы, священници, монаси и бельцы, воинов и младенцев, за Веру и Царство убиенныя, и нас ныне по молитвам тех укрепи силою Духа Твоего Святаго во брани к началом и ко властем, и к миродержителем тьмы века сего, к духовом злобы поднебесныя, подаждь благодать Твою в Истинныя Церкви содержимыя стране прегрешившей, возстави Царя Помазанника Твоего на мир Церкви Твоей и спасение людем Твоим, молимтися Подателю вся, скоро услыши и милостивно помилуй.

Еще молимся о Великом Господине и Отце нашем Блаженнейшем Архиепископе (Имярек) и о Господине нашем Преосвященнейшем Митрополите (Имярек), и всей во Христе братии нашей.

Еще молимся, о еже сохранится Святей Церкви (и святей Обители), веси сей (Граду сему), и всякому граду, и стране, от гнева, болезни, глада, труса, потопа, огня, меча, нашествия иноплеменных, междуусобныя брани и внезапныя смерти: о еже милостиву и благоуветливу быти благому и Человеколюбивому Богу нашему, отвратити всякий гнев и недуг на ны движимый, и избавити ны от належащего и праведного Своего прещения, и помиловати ны.

Аминь. Услыши нас, Боже Спасителю наш, упование всех концов земли, и сущих в море далече: и милостив, милостив буди, Владыко, о гресех наших, и помилуй ны. Милостив бо и Человеколюбец Бог еси, и Тебе славу возсылаем, Отцу, и Сыну, и Святому Духу: ныне и присно, и во веки веков. Аминь.

Седален, глас шестый.

Призри скоро на молитву нашу с небесе Господи, и помощь Твою Церкви Твоей низпосли: ярости же и гордыни Агарянскую, Безбожную и Жидовскую, и вся антихристовых богоотступник, и вся шатания отступническия утоли, и уста их хульная загради, верным Ти слово во устех действительное даруя, вся бо Ты яко Бог можеши хотящи.

Слава: и ныне.

Скоро предвари на Молитву и потщися на умоление, Мати Божия: да не возрадуется враг о погибели нашей, ниже о разорении Церкви Сына Твоего возвеселится: вся бо Ты едина яко Мати, от Него нам испросити можеши хотящи.

Песнь четвертая.

Ирмос: Услышав Пророк пришествие Твое, убояся, мы же разумевше дела Твоя трепетом удивихомся: спасти бо люди и Помазанныя Своя пришел еси, и верно возопихом: слава Силе Твоей Господи.

Во гневе Твоем Господи, милость Свою помяни, и не остави возмущатися Церкви Твоей отступническими нахожденьми: но вскоре мир и утверждение подаждь ей: да вси вопием Ти: слава Силе Твоей Господи.

От лести всякия избави, и от вражиаго пленения Церковь Твою Христе Боже, и мир ей даруя, во истине Твоей утверди, верных сердца Духом Святым умудряя: да вси правоверно всегда вопием Ти: слава Силе Твоей Господи.

Ересей востания, превознесенныя гордыни Агарянскую, Безбожную и Жидовскую и инех антихристовых богоборец низложи Господи, и отступническая хуления: рог же верных Своих вознося, мир Церкви даруй: народу же нашему и воинству его о ней всегда благая в сердца глаголя, мирная изрещи повелевай: да Ти верно вопием, слава Силе Твоей Господи.

Посредственне Рождеством Ти Дево, род человеческий Богу примирившая, и нас ныне грехами Того прогневавших, Матернею Си молитвою примири, Агарянскую, Безбожную и Жидовскую, и всякую беззаконную антихристову власть разруши, и пленники свободи, Сыну Твоему верно вопити: слава Силе Твоей Господи.

Песнь пятая.

Ирмос: От нощи утренююще молим Тя Человеколюбче, мир Церкви Твоей подаждь, и настави нас на повеления Твоя, и научи нас Спасе, творити волю Твою.

Камень веры краеугольный же, и основание Церкви Своей, Сам сый Христе Боже, не остави ю от ветров колебатися противных: но яко благ, научи нас творити волю Твою.

Кровию Своею, от работы вражия искупивый Церковь, не предаждь ю в руки врагов, но изми и умири ю, и невредиму соблюди, научая нас творити волю Твою.

Деву чисту Церковь Себе в Невесту обручивый Христе, врагом отступным не предаждь во осквернение, но в мире глубоце чисту соблюдая, научи нас творити волю Твою.

Чистая Дево от обстояний и бед, и наваждений отступнических, Сына Своего моли, Церковь избавити, и совершенно умирити ю: да вси славим крепкую помощь Твою.

Песнь шестая.

Ирмос: В печали нашей вопием к Тебе Боже наш, из чрева греховнаго ада: услыши вопль наш, молимтися Блаже, и изведи из тля живот наш Многомилостиве.

Узы претерпевый, раны же и заушения волею Христе, Церкве Твоея ради, да избавиши ю от прелести вражия: сию и ныне от отступнических лестий избави, Многомилостиве.

Славити Тя право со Отцем и Духом Бога единаго Христе, в мире , Церкви Твоей даруй власть Агарянскую, Безбожную и Жидовскую, и всех христоненавидных язык искореняя, верных от тех работы свобождая, благости Твоея ради, Многомилостиве.

Марие Богоневесто, теплым Си предстательством, умоли Сына Своего, от работы Агарянския, Безбожныя и Жидовския и вся христоненавистныя и крестоненавидныя богоотступник скорое свобождение верным, и мир людем Своим даровати, Церкви же соединение, и заблуждшим к Себе обращение: един бо есть Многомилостивый.

Ектения малая. Возглас: Яко Ты еси Царь мира.

Кондак, глас вторый.

Предстани в помощь нашу скоро Распныйся за ны Христе Боже, и ускори изъяти от христоненавистныя руки Агарянския, Безбожныя и Жидовския, и вся богоотступныя антихристовы власти род христанский, умирити Церковь Свою, честною Си искупленную Кровию: врази бо хулят Тя и претят нам: но Ты порази их Крестом Своим, да уразумеют колико может Православных Вера: молитвами Богородицы, едине Человеколюбче.

Воздвигни Господи скоро крепкую Ти силу, и прийди спасти нас: обнищахом бо зело, и паче всех язык умалихомся, и есмы смирении днесь грех ради наших, от стужания и обстояния отступивших от Церкве Твоея Святыя, и тщащихся всегда наша вкупе телесная же и душевная благая пленити, и Церковь Твою разорити: Темже со слезами в покаянии к Тебе припадаем, и умиленно Ти вопием: не отврати лица Твоего от отрок Твоих, и не отстави милости Твоея от нас, аще и согрешихом: но оставив нам прегрешения наша, крепкою Ти рукою вся наветы видимых и невидимых врагов, на православную ратующих Веру, разори и потреби: да уразумеют вси обидящие рабов Твоих, и яве познают, коль много может православных Вера: молитвами Богородицы едине Человеколюбче.

Посем, Степенна четвертаго гласа.
Прокимен, глас 4. Да воскреснет Бог и разыйдутся врази Его.
Стих: Яко исчезает дым да исчезнут.

От Марка Святаго Евангелия чтение (Мр.: зач.51)

Рече Господь Своим учеником: Имейте веру Божию. Аминь бо глаголю вам, яко иже аще речет горе сей, двигнися, и верзися в море: и не размыслит в сердце своем, но веру имет, яко еже глаголет, бывает: будет ему, еже аще речет. Сего ради глаголю вам: вся елика аще молящеся просите, веруйте, яко приемлете: и будет вам. И егда стоите молящеся, отпущайте, аще что имате на кого: да и Отец ваш, иже есть на небесех, отпустит вам согрешения ваша. Аще ли же вы не отпущаете, ни Отец ваш, иже есть на небесех, отпустит вам согрешений ваших.

Слава Тебе Господи, слава Тебе.

Слава, глас шестый.
Отче, Слове и Душе, Троице Святая: очисти множество грехов наших.
И ныне.
Молитв ради Пресвятыя Богородицы, Милостиве, очисти множество согрешений наших.
Помилуй нас Боже по велицей милости Твоей, и по множеству щедрот Твоих очисти вся согрешения наша.

И абие поют стих: глас шестый. Подобен: Все возлож.:

Не остави нас в человеческое заступление, Пребезначальная Троице: но приими яко Владыка моление рабов своих: скорби бо и беды обдержат ны, терпети не можем от бесовскаго стреляния, и отступническаго обстояния: покрова не стяжахом нигдеже прибегнути, страстнии всегда побеждаеми, утешения не имамы, ниже помощи, разве Тебе Творче мира: упование и спасение верным: не презри моления наша, но совершенна сотвори.

Иерей или Диакон:

Спаси, Боже, люди Твоя и благослови достояние Твое, посети мир Твой милостью и щедротами, возвыси рог христиан православных и низпосли на ны милости Твоя богатыя: молитвами Всепречистыя Владычицы нашея Богородицы и Приснодевы Марии; силою Честнаго и Животворящего Креста, предстательствы Честных Небесных Сил Безплотных, Честнаго Славного Пророка, Предтечи и Крестителя Иоанна, святых славных и всехвальных Апостол, иже во святых Отец наших и вселенских великих Учителей и Святителей, Василия Великого, Григория Богослова и Иоанна Златоустого, иже во святых Отец наших Николая, Архиепископа Мирликийского, Спиридона, епископа Тримифунтского чудотворцев, святых славных Великомученик Георгия Победоносца, Димитрия Мироточца, Феодора Тирона, Мины чудотворца, святых славных Священномученик Игнатия, Поликарпа, Харалампия и Елевферия; святых славных Великомучениц Феклы, Екатерины, Варвары, Кириакии, Марины, Параскевы, Евфимии, Фотинии и Ирины, и святых славных Новомученик и Исповедников Российстих и святых Царственных Мученик, и всех славных и добропобедных Мученик, преподобных и Богоносных Отец наших Антония Великаго, Евфимия, Онуфрия, Паисия, Саввы освященного, Феодосия Общих житий начальника, Петра и Афанасия Афонских, Дионисия и Иоанникия Олимпийских, Илариона Великаго, Серафима Саровского и преподобных старцев Оптинских двуенадесятих, и всех Преподобных, святых и праведных Богоотец Иоакима и Анны, святаго (его же есть день), его и память совершаем и всех святых, молим Тя, едино многомилостиве Господи, услыши нас грешных молящихся Тебе и помилуй нас.

Хор: Господи, помилуй, двенадцать раз или трижды.

Песнь седьмая.

Ирмос: Согрешихом и беззаконовахом, онеправдихом пред Тобою, ниже соблюдохом, ниже сотворихом, якоже заповедал еси нам: но не предаждь нас до конца, отческий Боже.

Согрешихом пред Тобою Спасе, но не отступихом от Тебе, темже молимся, не отврати лица Твоего от нас, и не уклонися гневом от рабов Твоих, но мир Твой даждь нам, Отец наших Боже.

Не гневом Твоим покажи, ниже яростию Твоею обличи нас Господи: но милостию Си, подаждь скорое верным Твоим, от богопротивных и хульных Агарян, Безбожник и Жидов и вся антихристовых беззаконник свобождение, и мир Церкви Твоей, избави же ю от сопротивных бед, и обстояний, Отец наших Боже.

Якоже обещал еси Спасе, не одолетися Церкви Твоей адовыми враты, еретическими усты: тако ныне на ню, ярость тех зияющих загради смрадныя уста, лести их разоряя, Отец наших Боже.

Предстательнице и покрове рода нашего, ныне ускори, ныне помози, от тяжкия же верных работы и пленения Агарянского, Безбожных и Жидовского и вся антихристовой лести, и лютых обстояний Церковь, Твоими молитвами изми: да Сыну Твоему вопием: Отец наших благословенный Боже.

Песнь осьмая.

Ирмос: Отрок молитва в пещи, в хлад всеопаляющий преложи огнь, мучителеву же безстудную гордость постыди, и яко в чертозе, изрядныя певца, триех показа поющих: дела вся Господа пойте, и превозносите Его во веки.

Верных Ти мольбы во имя Твое собранных прияти Спасе, и посреде их быти обещавый, приими молитвы наша, на Тя уповающих: и скоро подаждь избавление от христоненавидных Поган, Безбожник и Жидов и вся антихристовых Богоборец верным, и мир даруй Церкви Твоей, да Тя славим верно во веки.

Восташа Господи тяжци волци, на Твоих овец Святое стадо, распудити то хотящии: но Ты Пастырю добрый, жезлом Креста Твоего тех разжени: да в мире Тебе вопием: Господа вся дела пойте, и превозносите во вся веки.

Крестом врага низложивый, Крестом ад пленивый Христе: тем и мерзких Агарян, Безбожник и Жидов и всех антихристовых богоотступник низложи: воюющим же Церковь Твою запрети, и тех дерзость укроти: да вси в мире Тебе яко Победителю, вопием: Господа воспевайте дела, и превозносите его во вся веки.

Верных молитвы приемлющая, и скорбящим радование, Пречистая Дево, моли из Тебе Рождшагося Спаса, стадо Свое спасти от волков губящих е, и Церковь умирити, всегда поющую, Господа воспевайте дела, и превозносите во вся веки.

Песнь девятая.

Ирмос: Тя паче ума естественную Деву, и паче естества Бога рождшую Матерь, Евину клятву потребившаго, и Адама от тли свободившаго, яко Богородицу верно величающе славим.

Покрове и заступление рода Христианского, крестоненавистных Агарян, Безбожник и Жидов и вся антихристовых лестник, силою Дево молитв, господство искорени, и всех верных во власти и пленении их сущих свободи: да Твоего Сына во веки славим.

Достойно есть. Трисвятое, по Отче наш. Иерей: Яко Твое есть Царство.

И тропари сия, глас шестый:

Помилуй нас, Господи, помилуй нас, всякого бо ответа недоумеюще, сию Ти молитву яко Владыце грешнии приносим помилуй нас.

Слава:

Господи, помилуй нас, на Тя бо уповахом, не прогневайся на ны зело, ниже помяни беззаконий наших: но призри и ныне яко благоутробен, и избави ны от враг наших. Ты еси Бог наш, и мы людие Твои, вси дела руку Твоею, и Имя Твое призываем.

Милосердия двери отверзи нам благословенная Богородице, надеющиеся на Тя да не погибнем, но да избавимся Тобою от бед: Ты бо еси спасение рода христианского.

По сих же Диакону рекшу, со умилением вси колена преклонше,
Господу помолимся.
Иерей со всеми предстоящими колене преклонь, со всяким умилением чтет Молитву сию:

Незлобиве, безгрешне, долготерпеливе, человеколюбче, и благопременителю Господи, безначальнаго Отца соприсносущный Сыне и собезначальне, в плоть человеческаго ради спасения оболкийся, и распныйся волею, и умерый и погребыйся, и в третий день воскресый и с Собою естество наше на небеса вознесый, и одесную Бога, естественнаго Ти и единосущнаго Отца сопосадивый: не хотяй смерти грешных, но обращения их терпеливне ожидаяй, и покаяние скоро и человеколюбно приемляй: Призри молимся, на воздыхания, слезы, стенания, и прилежная моления, грешных, убогих и недостойных рабов Своих, и услыши нас в час сей, егда унывает сердце наше, и скончаваются в суете дние наши, и лета наша в воздыханиих, и помилуй нас: исчезает бо в болезни крепость наша, и вменихомся яко овца на заколение: востани вскую спиши Господи: воскресни и не отрини до конца: дело бо рук Твоих и овца пажити Твоея есмы: не остави нас в попрание и поругание врагом нашим, и в подражнение и смех сущим окрест нас: но пощади, ущедри, и милостивне помилуй. Аще бо и согрешихом и беззаконовахом, и онеправдихом пред Тобою, и заповедий Твоих не соблюдохом, ниже сотворихом, якоже заповедал еси нам: но не отступихом от Тебе Бога, Спаса, Избавителя и Искупителя нашего. Не предаждь убо нас до конца, и не разори Завета Твоего, и не отстави милости Твоея от нас. Пришел бо еси не праведных, но грешных в покаяние призвати, и погибших спасти. Обличи Господи Церковь лукавнующих, беззаконно Именем Твоим показующуся и исполняющу землю нашу духом лжи, яко бо есть мерзость запустения на месте Святом, имеющую многих погубить и привести к отступлению от Истины, соблазнам и ересям, и восседшей всюду в храмах Православных. Просвети Господи народ наш, в безверии и лжеверии коснеющий, и лишенный благодати Духа Святаго, падший в разделения, шатания, раздоры, всякий гнев и неправду, даруй Господи истинное просвещение народу нашему, омый от греха банею пакибытия и подаждь благодать Твою стране нашей, да Ангел хранитель земли нашея, аще отъят бысть за нечестие прежде благочестивыя земли, изнесет ей от Престола Царя Царствующих радость, мир и утешение, да познают врази наша яко с нами Бог и Святые Ангелы Его. Тем же и ныне внуши молению нас грешных, Церковь Свою Истинную Святую Православно-Кафолическую, в России же и по всей Вселенней сущую, (иже пречестною Ти, на Кресте излиянною искупил еси Кровию, и Себе ту едину чистую обручи еси Невесту) от наветований и озлоблений отступнических, от всех же еретических пагубных прелестий скоро избави. И по неложному Ти обещанию, от адовых врат, хульноклеветных их уст, неодолеему, непреобориму сохрани ю, и с нею неотступно пребывая, якоже глава тело свое, от всех бед и скорбей всегда, даже до скончания века, защищая избави и совершенно умири ю: да не когда рекут иноверных страны и злодеющих нам ругательные полци: где есть Бог их на него же уповаша; но паче Ты скорым низпосланием нам помощи сицевая хулящих постыди: народу нашему и воинству его совет благ о Вере Православной, и о Святой Своей Соборной Апостольской Восточной Церкви в сердцех водхни и всади, и якоже и прежде во вся века Церковь о Царстве Православном моляшеся, тако и ныне молимтися, да созижди Господи Царство сие в земли нашей во еже оградити Церковь Твою от всякаго гонения и соблазна, молимтися Господи, якоже в Церкви Твоей чину Царя Самодержавнаго быти и благодати Божией на главе Помазанника, в Таинстве Царства приемлемой пребывати, и в сем служении Православнаго Царя быти охранению Церкви Твоея Святой, и Царство его миром ограждаяй, да и мы в тишине его, тихо и безмолвно житие прейдем, правоверно Тя славяще. И паки, пребогатый превеликий же и милостивый Царю, и Вседержителю Господи, колене душ и телес наших преклонше, молимтися и мили ся деем, призри всемилостивным Си оком и на рабы Твоя нашу же братию и нас, под мучительною областию, в горькой работе и пленении, у безбожных и христоненавидных, Тебе же Христа Бога нашего и Пречистую Ти Матерь присно Девою, безстудне хулящих нечистых и скверных Агарян, Безбожник и Жидов и инех антихристовых Богоборец, сущая правоверныя Христианы: Помяни же их и нас вскоре яко Крепкий и Сильный, и от мучительских кровопролитных рук избави, свободи и изми: мерзкия же богохульныя, и всеоскверненыя, стоящее ныне на месте Святом, тех нечистых Поган, Безбожник и Жидов и вся антихристовых Богоотступник царства и господство, силу же и власть, якоже мерзость запустения, купно с их безбожными, хульными, богоборными, лестнотлительными ученьми, разруши, искорени, и ни во что же обрати и под нозе правоверных раб Твоих низверг покори: от земля же всеконечне нечестивую память их потреби, христиан православных рог вознеси: нечестивых всех искорени: истинное Православие и благочестие возрасти и повсюду умножи: ереси же и отступства и вся злобныя прелести погуби: и от тех обращающихся благодатне прийми, и Святому Ти причти и совокупи стаду: наипаче же правоверных Твоих рабов повсюду сущих вдоволь благослови, от древле же вожделенным миром огради, и от всякаго зла неврежденных соблюди. Помяни Господи Великого Господина нашего Блаженнейшего Архиепископа Андрея и Господина нашего Преосвященнейшего Митрополита Кирика: ихже даруй святым своим церквам, и в мире целы, здравы, долгоденствующи, и право правящи слово Твоея истины сохрани. Помяни Господи и всех православных Архиереев Святыя Твоея Церкви, и всех труждающихся и тщание творящих о умирении и благостоянии Церкви Твоея Святыя, и благослови их укрепи же и умудри, к утверждению Православныя яже в Тя веры. Да будет молитва сия пред Тобою Господи сильна на вся супостаты, изрядне же на крестоненавистныя Твоя и Твоего всесвятаго имени враги, скверныя Агаряны, лютыя Безбожницы и Богоборцы, пророкоубийственныя и христоубийственные Жиды и вся антихристовы Богоотступници, всегда победы даруй верным рабом Твоим, тех под нозе им покаряя: нас же ныне Тебе зде и повсюду молящихся по велицей Твоей милости, пощади, помилуй, и от всех вражиих озлоблений изми: в мире же глубоце всегда живот наш устраяя , оставление грехов нам даруй. (Аще ли в монастыри молишися, глаголи:) Святую обитель сию, и всякую обитель: (аще во граде, глаголи:) град сей, (аще в веси, глаголи:) весь сию: и всякий град, и весь, и страну, и верою живущих в них, от глада, губительства, труса, потопа, града, огня, меча, нашествия иноплеменных, междоусобныя брани, и всякия смертоносныя язвы, и напрасныя смерти всегда избави. В болезнех и недузех лежащих, посети и исцели. В темницах узилищах заключенных, свободи. По морю и по водам плавающих, вождь и правитель буди. В путь шествующим сопутешествуя, поспеши и всех правоверно, во всякой нужде, призывающих имя Твое Святое, на всяком месте и на всякое время, яко щедр, скоро услыши, помяни, помилуй, ущедри, избави, спаси, и Царствия Твоего наследники со всеми Святыми Твоими сотвори. Ты бо Бог милостий, щедрот, и человеколюбия еси, и Тебе славу возсылаем, со безначальным Ти Отцем, и со пресвятым, и благим, и животворящим Ти Духом, ныне и присно, и во веки веков. Аминь.

По молитве же иерей творит обычный дневный отпуст.